ABŞ-da silahlı insident - Bir nəfər ölü, xeyli yaralı var

ABŞ-ın Texas ştatının Dallas şəhərində şənlik gecəsində baş verən atışma nəticəsində ən azı bir nəfər ölüb, 10 nəfər yaralanıb.

Teleqraf.com xəbər verir ki, bu barədə WFAA telekanalı məlumat yayıb.

Hadisə gecə yarısı baş verib. Telekanalın mənbələrinin məlumatına görə, şənliyin bir neçə iştirakçısı küçəyə çıxıb, bundan sonra yoldan keçən avtomobildən onlara atəş açılıb.

Zərərçəkənlər xəstəxanaya yerləşdirilib.

Polis hadisə ilə bağlı araşdırma aparır.