Bayden Ukraynanın 150 kilometrliyində

ABŞ Prezidenti Co Bayden Avropaya səfəri çərçivəsində bu gün Ukrayna sərhədi yaxınlığında yerləşən Polşanın Rzeşov şəhərinə gedəcək.

Teleqraf.com xəbər verir ki, bu barədə Ağ Ev bildirib.

Amerika liderinin administrasiyası qeyd edib ki, dövlət başçısı Rzeşova Mərkəzi Avropa vaxtı ilə saat 14:15-də (Moskva vaxtı ilə 12:15) gəlməlidir. Orada onu Polşa prezidenti Andjey Duda qarşılayacaq. Buradan Lvova qədər olan məsafə təxminən 150 kilometrdir.

Baydenin ukraynalı qaçqınlarla görüşü istisna edilmir.