“Zelenskinin vəziyyəti yəhudilərin soyqırımı ilə müqayisəsi..." - Volodin

Rusiya Dövlət Dumasının spikeri Vyaçeslav Volodin özünün “Telegram” kanalında Ukrayna Təhlükəsizlik Xidmətinin (SBU) Xarkov vilayətinin Kupyansk merinin qızı Gennadi Matseqoranın saxlanması ilə bağlı vəziyyəti qiymətləndirib.

Teleqraf.com xəbər verir ki, Rusiyanın spikeri bunu dəhşətli vəziyyət adlandırıb.

“Bu cür faktlarla qarşılaşdıqda, Ukraynada nə baş verdiyini getdikcə daha çox başa düşürsən: neonasist ideologiyasının hakimiyyətə nə qədər təsir göstərdiyini anlayırsan. Küçədə dirəklərə bağlanmış insanlar çubuqlarla döyülür, şantaj məqsədilə uşaqlar valideynlərindən oğurlanır, yaşayış məntəqələrinə hərbi texnika yerləşdirilir, mülki şəxslər canlı qalxan kimi ört-basdır edilir”, - Volodin yazıb.

O əlavə edib ki, Vladimir Zelenski göz yaşları ilə xarici parlamentlərdən kömək istəyib, vəziyyəti İkinci Dünya müharibəsi zamanı yəhudilərin soyqırımı ilə müqayisə edib, baxmayaraq ki, əslində bunun əksi doğrudur.

Dövlət Duması spikerinin fikrincə, Knesset və Fransa parlamentinin üzvləri Kupyansk merinin videomüraciətinə, insanların döyülməsi və evlərə tank və pulemyotların yerləşdirilməsinin görüntülərinə baxmaq istəsələr, düzgün olardılar: “Biz öz növbəmizdə Kiyev tərəfindən vətəndaşlara işgəncə vermə faktları ilə bağlı sərəncamımızda olan materialları Avropa ölkələrinin milli parlamentlərinə göndərəcəyik. Zelenski və onun əlaltıları nasist ideologiyasını qəbul edən hərbi cinayətkarlardır. Onlar öz əməllərinə görə cavab verməlidirlər”, - deyə Volodin bildirib.

Xatırladaq ki, Ukraynanın baş prokuroru İrina Venediktova bildirib ki, Xarkov vilayətinin Kupyansk şəhərinin meri Gennadi Matseqor Rusiya qüvvələrinə verdiyi dəstəyinə görə dövlətə xəyanətdə şübhəli bilinir. Mer isə xüsusi xidmətin onun qızını saxladığını və təhdid edildiklərini bəyan edib.