"Rusların yeni planı: itkilərini gizlətmək üçün..." - Kəşfiyyat

Rusiya şəhərlərdə güclü atəş gücündən istifadə etməyə davam edəcək. Onlar Ukraynanın bir sıra iri şəhərlərini, o cümlədən Xarkov, Çerniqov və Mariupolu mühasirəyə almaqda davam edir.

Teleqraf.com xəbər verir ki, bu barədə Britaniya kəşfiyyatının məlumatında deyilir.

“Rusiya qoşunları genişmiqyaslı şəhər piyada əməliyyatlarında iştirak etməkdən çəkinir, müdafiə qüvvələrini ruhdan salmaq üçün havadan və artilleriya atəşindən fərq qoymadan istifadəyə üstünlük verir”, -məlumatda deyilir.

Britaniya kəşfiyyatı etiraf edir ki, Rusiya şəhər ərazilərində ağır atəş gücündən istifadə etməyə davam edəcək, çünki o, yeni mülki itkilər hesabına onsuz da əhəmiyyətli itkilərini məhdudlaşdırmağa ümid edir.

Bundan əvvəl Pentaqon Kiyevə hücum edə bilməyən işğalçıların taktiki hədəfinin dəyişdirilməsi barədə məlumat verib. İndi ruslar Ukrayna hərbçilərinin bölgədəki mühasirəsi ilə bütün Donbasın ələ keçirilməsinə diqqət yetirəcəklər. Kreml danışıqlarda bundan Ukraynaya təzyiq rıçaqı kimi istifadə etməyə çalışacaq.