Düşmənə sarsıdıcı zərbə: 7 istiqamətdə hücum dəf edildi - Baş Qərargah

“Ukrayna xalqının Rusiya işğalına qarşı qəhrəmancasına müqavimətinin otuz ikinci günü davam edir. Rusiya Ukraynaya qarşı genişmiqyaslı silahlı hücumu davam etdirir. Müharibə zamanı düşmən böyük itki verdi. Buna baxmayaraq, hərbi-siyasi rəhbərlik cinayətləri davam etdirməkdən çəkinməyəcək”.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahının bu gün səhər saatlarına olan əməliyyat məlumatında bildirilir.

Qeyd edilir ki, Baş Qərargaha daxil olan məlumata görə, müvəqqəti işğal olunmuş Krım Muxtar Respublikasının ərazisindəki Sevastopol şəhərinin səhiyyə müəssisələrinə orta hesabla gündə 50-100 yaralı gəlir.

Düşmən qoşunlarının mənəvi-psixoloji durumu hələ də aşağı səviyyədədir.

Rusiya hərbi kolonlarının Belarus Respublikası ərazisində hərəkəti, əsgərlərin yanacaq və ləvazimat satması və ya spirtli içkilərlə dəyişdirilməsi ilə bağlı çoxlu faktlar var.

Düşmən avtonəqliyyat vasitələrinin itkilərini kompensasiya etməyə, döyüş hissələrinin maddi-texniki təchizatını qurmağa cəhd etməkdən çəkinmir.

İşğalçılar müvəqqəti işğal olunmuş ərazilərdə yerli əhalini qorxutmaqda davam edirlər. Talan, insan və əmlak oğurluğu halları çoxdur.

Donetsk və Luqansk vilayətlərində müttəfiq qüvvələr düşmənin 7 hücumunu dəf edib. Ukrayna əsgərləri düşmənin 8 tankı, 8 zirehli texnikası və minaatanını məhv edib. İşğalçıların canlı qüvvə itkiləri bildirilir.

Ukrayna Silahlı Qüvvələrinin Hərbi Hava Qüvvələri ötən gün 1 təyyarə, 12 müxtəlif tipli dron və 2 qanadlı raketi vurub.

Ukrayna Silahlı Qüvvələrinin Hərbi Hava Qüvvələrini düşmən qoşunlarına sarsıdıcı zərbələr endirib.