Mariupolda insanlar daha çox acından ölür - Mer açıqladı

“Ukraynanın Mariupol şəhərini tutmaq cəhdində rus işğalçıları nasistlərin yanaşmalarından istifadə edərək alman təbliğatçısı Göbbelsin metoduna əməl edib, şəhəri mühasirəyə alaraq onu mühüm infrastrukturdan məhrum etdilər”.

Teleqraf.com xəbər verir ki, bunu Mariupol şəhərinin meri Vadim Boyçenko deyib.

O qeyd edib ki, birinci həftədə şəhərdəki 15 elektrik xəttinin hamısını məhv olunub:

“Müharibənin 5-ci günündən biz bu və ya digər şəkildə elektrik enerjisini bərpa etməyə çalışdıq, lakin yeddinci gün işıqsız qaldıq. Buna uyğun olaraq bizdə istilik, enerji olmadı. İşğalçılar bizim su təchizatı mənbələrimizi yaxşı bilirdilər. Müharibənin aktiv mərhələsi başlamazdan əvvəl, suyun həcminin 70% -ni verən bir mənbəni kəsdilər. Onlar Mariupola su vuran elektrik nasosunu kəsiblər. Sonra ehtiyat su mənbəyi kimi xidmət edən ikinci girişi kəsdilər. Beləliklə, müharibənin doqquzuncu günü tamamilə susuz qaldıq. Bundan sonra bizi qazdan məhrum etməyə başladılar”.

“Mariupolda süni şəkildə tam informasiya vakuumu yaradılıb, orada sakinlərdən heç biri nə baş verdiyini başa düşmür”, - deyən mer əlavə edib ki, kommunal xətləri işə salmaq mümkün olanda biz çəlləklər gətirdik: “Suyun daşındığı mənbələrimiz var. Bu, mərkəz və sol sahil hələ mövcud idi. Başqa ərazilərə su gətirirdik. Uzun növbələr yarandı. Sonra qarı əridib yağış suyu toplamalı olduq”.

Qeyd edək ki, BMT Mariupolda kütləvi məzarlıqların olduğunu təsdiqləyib. Şəhərdə vəziyyət tamamilə faciəvi olaraq qalır. Həmçinin, Mariupol Şəhər Şurasının məlumatına görə, şəhərdə daha çox insan aclıqdan ölür.