İstanbuldan Moskvaya uçan sərnişin təyyarəsində bomba həyəcanı yaşandı

"Türk Hava Yolları" (THY) aviaşirkətinin İstanbul-Moskva reysini yerinə yetirən sərnişin təyyarəsində bomba həyəcanı yaşanıb.

Teleqraf.com xəbər verir ki, bu barədə “Haber Global” telekanalı məlumat yayıb.

İstanbul hava limanındakı təyyarədə axtarışlar aparılarkən xəbərin əsassız olduğu üzə çıxıb.

Moskva-İstanbul reysini həyata keçirməyə hazırlaşan TK-415 uçuş nömrəli TC-JND qeydiyyatlı təyyarəyə havaya qalxmazdan əvvəl bomba xəbərdarlığı edilib. Bu səbəbdən təyyarə dayanacaq yerinə aparılıb və polis təyyarədə axtarış aparıb. Məlumatın əsassız olduğu müəyyənləşdirilib.

Son zamanlar Moskvaya uçan "Air Serbia" və "THY" təyyarələrinə bomba təhdidləri artıb.