Papadan rusların dini liderinə Putin mesajı – “Onun arxasında gizlənmə”

Katolik dünyasının ruhani lideri, Roma Papası Fransisk Rusiya Pravoslav Kilsəsinin 75 yaşlı başçısı Kirillə videogörüş keçirib.

Teleqraf.com-un xəbərinə görə, katolik kilsəsinin lideri Rusiya patriarxına xəbərdarlıq edib ki, işğala haqq qazandırmaq üçün dinin arxasında gizlənməsin.

Putinin Ukraynaya “rus dünyası”nın bir hissəsi kimi baxması və patriarx Kirilin Ukrayna və Belarusdakı kilsələr üzərində hökmranlıq iddiası paralel olaraq nəzərdən keçirilir.

İki ölkə arasında yaranan gərginliyə görə, Ukrayna Pravoslav Kilsəsi 2018-ci ildə Moskva Patriarxlığını tərk edib. Bundan qəzəblənən Kreml İstanbulda yerləşən Ortodoks Patriarxlığı ilə əlaqələrini kəsmək qərarına gəlib və bu, Ukrayna Kilsəsinə müstəqillik qazandırıb.

Müharibə başlayandan sonra Hollandiya Pravoslav Kilsəsi rus kilsəsindən müstəqilliyini elan edib.

Hollandiya Pravoslav Kilsəsi də Ukrayna Kilsəsi kimi İstanbul Patriarxlığına üzv olmaq qərarına gəlib.