Rusiya Ukraynanın Aİ-yə daxil olmasına etiraz etmir - Medinski

Moskva Ukraynanın Avropa İttifaqına (Aİ) daxil olmasının əleyhinə deyil.

Teleqraf.com xəbər verir ki, bunu Rusiya nümayəndə heyətinin rəhbəri, Kiyevlə danışıqlarda prezidentin köməkçisi Vladimir Medinski bildirib.

“Rusiya Federasiyası öz tərəfindən Ukraynanın Avropa İttifaqına qoşulmaq istəyinə etiraz etmir”, - deyə o, Moskvanın bu məsələdə mövqeyini açıqlayıb.

Medinski daha əvvəl bildirib ki, danışıqlar zamanı Rusiya Ukraynadan neytral və qeyri-nüvə statusu istəyini təsdiqləyən yazılı təkliflər alıb.

O, həmçinin bildirib ki, Kiyevin təkliflərinə kütləvi qırğın silahlarının bütün növlərinin istehsalı və yerləşdirilməsindən imtina, habelə onun ərazisində xarici hərbi bazaların və qoşunların olmasına qadağa daxildir.