Rus artilleriyası Ukraynanı xarabazara çevirdi

Yaşayış məntəqələri artilleriya atəşinə tutuldu

Ukraynada antiterror əməliyyatları bölgəsində vəziyyət gərgin olaraq qalır.

Teleqraf.com-un UNİAN-a istinadən xəbərinə görə, sutka ərzində separatçılar antiterror əməliyyatları qüvvələrinin mövqelərini 47 dəfə atəşə tutub. Atəş minomyot, "Qrad" qurğuları və tanklardan açılıb.

Separatçıların aktivliyi üç strateji bölgə - Luqans, Debalçovsk və Donetskdə müşahidə olunur.

Bundan başqa, Donetsk və Luqanskda yaşayış məntəqələri 10 dəfə atəşə tutulub. Mülki vətəndaşlar arasında ölən və yaralananların olub-olmadığı dəqiqləşdirilir. Eyni zamanda Donetsk aeroportu da hücuma məruz qalıb.

Ukrayna antiterror əməliyyatları qüvvələri cavab olaraq, separatçıların mövqelərinə 83 artilleriya zərbəsi endirib.

Nihad