Pakistan Baş naziri Şahbaz Şərif paytaxt İslamabadda jurnalistlərə açıqlamalar verib.
Teleqraf.com xəbər verir ki, Şərif ölkəsinin ABŞ-la düşmənçiliyə tab gətirə bilməyəcəyini və İslamabadın Vaşinqtonla yaxşı münasibətləri inkişaf etdirməli olduğunu vurğulayıb.
Şərif keçmiş baş nazir İmran Xanın onun hakimiyyətdən uzaqlaşdırılmasında ABŞ-ın rolu ilə bağlı ittihamına cavabında Milli Təhlükəsizlik Komitəsinin bəyanatının aydın olduğunu və heç bir kənar sui-qəsdin olmadığını bildirib.
Baş nazir sui-qəsd iddiaları ilə bağlı məhkəmə komissiyasının yaradılmasını da nəzərdən keçirəcəyini söyləyib.
Şahbaz Şərif baş nazir olduqdan sonra ilk rəsmi səfərini bu gün Səudiyyə Ərəbistanına edəcək.
Aprelin 10-da Pakistan parlamentində keçirilən etimad səsverməsi nəticəsində 174 əleyhinə səs toplayan İmran Xan iqtidardan uzaqlaşdırılıb.
Aprelin 11-də parlamentdə keçirilən seçkidə ölkədə üç müddət baş nazir olmuş Nəvaz Şərifin qardaşı Şahbaz Şərif 174 səslə mütləq əksəriyyətin dəstəyi ilə baş nazir seçilib.