“Gözəl sözlərlə başını aldadıb...” - Medvedyevdən şok iddia

“Artıq polyaklar Ukraynanın parçalandığını elan ediblər”.

Teleqraf.com xəbər verir ki, bunu Rusiya Təhlükəsizlik Şurasının sədr müavini Dmitri Medvedyev deyib.

O, Polşa Prezidenti Anjey Dudanın yaxın gələcəkdə ölkəsi ilə Ukrayna arasında sərhədlərin olmayacağı və iki ölkənin xalqlarının bu torpaqlarda birgə yaşaya biləcəkləri sözlərinə cavab verib.

Medvedyev bildirib ki, Duda belə bir bəyanat üçün münasib fürsəti Milli Konstitusiya Günü seçib.

“Bu, Qərbi Ukrayna torpaqlarının geri almağa can atan Polşa üçün xoş satınalma olacaq. Təbii ki, əbədi qardaşlıq haqqında gözəl sözlər pərdəsi altında”, - Medvedyev vurğulayıb.

Təhlükəsizlik Şurasının sədr müavini əlavə edib ki, bu xəyali qardaşlıq ukraynalılara öz dövlətçiliklərini itirilməsindən başqa heç nə gətirməyəcək.

Duda bundan əvvəl bildirib ki, Polşa hazırda Ukraynaya Rusiya təcavüzünü dəf etmək üçün hər şeyi edir.

“Ölkələrimiz - Polşa və Ukrayna arasında artıq sərhədlər olmayacaq. Beləliklə, yer üzündə birlikdə yaşayaq, xoşbəxtliyimizi və gücümüzü birlikdə yenidən quraq ki, bu da bizə istənilən təhlükəni və ya mümkün təhlükəni dəf etməyə imkan verəcək”, - dövlət başçısı deyib.

Kremlin sözçüsü Dmitri Peskov Ukraynanın ərazi bütövlüyünün Polşa tərəfindən təhdid oluna biləcəyini bildirib. O, bu ölkənin ritorikasının çoxdan dost olmadığını, son bir neçə ayda düşmənçiliyə çevrildiyini iddia edib.