Rekord miqdarda kokain ələ keçirildi - Hesabat

Avropa İttifaqı (Aİ) Polis Xidməti Europol və Aİ-yə bağlı Narkotiklər və Narkomanlığa Nəzarət Mərkəzinin (EMCDDA) dərc etdiyi hesabata görə, əvvəlki üç ildə olduğu kimi, 2020-ci ildə də rekord miqdarda kokain ələ keçirilib.

Teleqraf.com xəbər verir ki, hesabatda AB ölkələri, Norveç və Türkiyədə ələ keçirilən kokainin ümumi miqdarının 214,6 ton olduğu ifadə edilib.

Qeyd edilir ki, bu bazar Avropa və beynəlxalq cinayət qruplarının sıx əməkdaşlığına əsaslanır.

EMCDDA-nın direktoru Alexis Goosdeel deyib ki, bazarın belə bir xarakterə sahib olması rekord səviyyədə narkotik tədarükü, artan zorakılıq, korrupsiya və sağlamlıq problemləri ilə nəticələnib.

COVID-19 pandemiyasının dərman bazarını sarsıtmadığı bildirilən hesabatda dəniz yolu ilə kokain qaçaqmalçılığının epidemiyadan əvvəlki səviyyədə olduğu qeyd edilib.

Xəbərə görə, Avropa ölkələri arasında ən çox ələ keçirilən 3 ölkə 70 tonla Belçika, 49 tonla Hollandiya və 37 tonla İspaniya olub. 2 ton ələ keçirmənin Türkiyədə edildiyi bildirilir.

Qeyd olunur ki, Polşa, Bolqarıstan və Türkiyə kimi Şərqi Avropa ölkələrində müsadirələrin artması qitəyə kokain daşımalarının giriş nöqtələrinin dəyişdiyini göstərir.

Kokain Avropa Birliyində sirrdən sonra ən çox istehlak edilən ikinci narkotikdir.

Hesabata görə, 2020-ci ildə Aİ-də 10,5 milyard avro kokain istehlak edilib.

Hesabatda AB-də 15-65 yaş arasında olan 14 milyon insanın kokaindən istifadə etdiyinin təxmin edildiyi vurğulanır.

Polis kokainin böyük hissəsini 2020-ci ildə Belçika, Hollandiya və İspaniyada müsadirə edib. Bu dərmanın daha çox Kolumbiya, Boliviya və Peruda istehsal olunduğu bildirilir.

Dünyada ən çox istifadə edilən sintetik stimullaşdırıcı dərman olan metamfetaminin “Avropa narkotik bazarında nisbətən kiçik paya malik olduğu”, lakin son məlumatların “artan təhlükəyə işarə etdiyi” qeyd edilir.

2010-2020-ci illər arasında Avropa İttifaqında metamfetamin ələ keçirmə əməliyyatlarının həcmi iki dəfə artıb. Müsadirə edilən narkotiklərin miqdarı 477 faiz artaraq 2,2 tona çatıb.

Belçika, Fransa və İspaniyada narkotik qaçaqmalçıları arasında rəqabətin şiddətləndiyini və bunun qarşıdurma, qətl və adam oğurluğu hallarını artırdığı hesabatda xüsusilə qeyd olunur.