27 May 2022 21:12
1 340
12 Punto 14 Punto 16 Punto 18 Punto

Türkiyəli təhlükəsizlik eksperti Abdullah Ağar Suriyanın şimalında keçirilməsi gözlənilən yeni əməliyyatla bağlı önəmli açıqlamalar verib.

Teleqraf.com xəbər verir ki, ekspert bunun türk ordusunun indiyədək bölgədə keçirdiyi ən böyük antiterror əməliyyatı olacağını bildirib.

Türkiyənin yeni antiterror əməliyyatları və İsveçlə Finlandiyanın NATO-ya üzvlüyü prosesi haqda danışan Ağar deyib:

“Mehmetçik NATO əsgəridir. NATO əsgərini güllələyən təşkilatla əlaqəsi olan ölkəyə etibar etmək olmaz. İsveç və Finlandiya PKK-ya qarşı niyə bizimlə döyüşmür? Niyə NATO əsgərinin yanında dayanmır? Bunlar böyük problemlərdir.

Bu gün bu məsələlər haqda danışmağa başlamağımızın səbəbi Ukrayna müharibəsinin gerçəkləri gün üzünə çıxarmasıdır. Eyni zamanda, Türkiyənin geosiyasi dəyərinin anlaşılması”.

Ağar Türkiyənin öz təhlükəsizliyini təmin etmək üçün sonadək getməli olduğunu bildirib:

“Nə qədər itirəcəyik? Biz NATO-nun üzvüyük və bizə qarşı tətbiq olunan strategiyalara görə daim uduzuruq. Terror nəticəsində itirilən insanların əvəzini heç kim ödəyə bilməz. Bu gün etimad yarada bilməsək, itki ilə üzləşəcəyik. Amma Atlantik min itki verəcək.

Bu əməliyyat sualın həllinə gətirib çıxaracaq. Kilid və bunu sındırmaq lazımdır. İndiyə qədər əməliyyatların əhatə etdiyi sahə 8 200 kvadrat kilometrdir, bu dəfə həyata keçirilməsi gözlənilən əməliyyatın sahəsi isə 9 min kvadrat kilometr olacaq. Yəni əvvəlki əməliyyatlardan daha geniş ərazini əhatə edəcək.

Təbii ki, Suriyanın parçalanmasını istəmirik. Əgər Suriya parçalanacaqsa, bu ehtimala əsaslanaraq özümüz üçün sahil təhlükəsizliyi yaratmalıyıq. Bu gün İranın Rusiyanın boşaldığı ərazilərə girərkən, atdığı addımların nə demək olduğunu bilirik. Suriyada həll axtarışları varsa, bu, tarixi fürsətlə özünü göstərməlidir”.


Müəllif: Mənsur Rəğbətoğlu