Kral məzarlarından 250 mumiya və 150 ​​heykəl tapıldı

Qədim Misirdə yaşayış məntəqəsi kimi istifadə edilən və kral məzarlarının yerləşdiyi tarixi Saqqara bölgəsində arxeoloji tədqiqatlar zamanı eramızdan əvvəl 500-cü ilə aid 250 mumiya və 150 ​​heykəl tapılıb.

Teleqraf.com xəbər verir ki, arxeoloqlar bunun 2018-ci ildən bəri Saqarada ən böyük kəşf olduğunu bildiir.

Eramızdan əvvəl 500-cü ilə aid 250 taxta rəngli tabutun içindəki mumiyaların yaxşı qorunduğu qeyd edilir.

Qəbirlərdən birində “Ölülər kitabı”na ​​aid olduğu güman edilən papirus tapılıb. Papirus araşdırılmalar üçün Qahirə muzeyindəki laboratoriyaya göndərilib.

Qeyd edək ki, "Ölülər Kitabı" qədim Misirdə dəfn mərasimlərində istifadə edilən dini kitab kimi tanınır.