23 İyun 2022 12:07
713
12 Punto 14 Punto 16 Punto 18 Punto

Bolqarıstan Baş naziri Kiril Petkov ona və komandasına qarşı etimadsızlıq səsverməsi qəbul edildikdən sonra baş verənlərə görə üç bolqar siyasətçi və Rusiyanın Sofiyadakı səfiri Elyanora Mitrofanovanı ittiham edib.

Teleqraf.com xəbər verir ki, Petkov bu insanları hökumətini devirməkdə günahkar bilir.

Mitrofanovadan başqa, keçmiş baş nazir iş adamı və keçmiş deputat Delyan Pevski, “Gerb” partiyasının lideri Boyko Borisov və “Belə bir xalq var” partiyasının rəhbəri Slavi Trifonovun adını çəkib.

“Onlar bolqar xalqını ələ keçirə bilməyəcəklər. Söz verirəm ki, bundan sonra da ölkəmiz üçün mübarizə aparacağıq. Bir gün kölgədən idarə olunmayan Bolqarıstan görəcəyik, onu mafiyasız görəcəyik, onu normal, uğurlu Avropa ölkəsi kimi görəcəyik”, - siyasətçi bildirib.

Bundan əvvəl Bolqarıstan parlamenti Petkovun koalisiya hökumətinə etimadsızlıq səsverməsinin qəbul edilməsinə səs verib. Onun namizədliyi Pevskinin partiyası tərəfindən irəli sürülüb.


Müəllif: Mənsur Rəğbətoğlu