"Ərəfatın oturduğu otaqda Abbasla görüşdüm, dedi ki..." - Ərdoğanın sözçüsü

Biz lap başdan Fələstinin işğalının əleyhinə olmuşuq. İsraildə saatlarla danışdım. Dedim ki, mövqeyimiz budur, Qüdsün işğalını tanımırıq.

Teleqraf.com xəbər verir ki, bu sözləri Türkiyə prezidentinin mətbuat katibi İbrahim Kalın deyib.

"Mən Ramallahda cənab Mahmud Abbası ziyarət etdim, ora mərhum Ərəfatın faktiki qaldığı həbsxana idi. Rəhmətlik Ərəfatın oturduğu otaqda Mahmud Abbasla görüşdük. Cənab Abbas dedi ki, sizin İsraillə münasibətləri yaxşılaşdırmağınız bizim xeyrimizədir. İsraillə normallaşma prosesi başladı, Türkiyə Fələstin davasından əl çəkirmi? Əlbəttə yox".