Ukrayna Prezidenti Vladimir Zelenski Belarus xalqına növbəti dəfə müraciət edib.
Teleqraf.com xarici KİV-ə istinadən xəbər verir ki, dövlət başçısı axşam video-müraciətində Aleksandr Lukaşenkonun belarusları müharibəyə sürüklədiyini bildirib.
“Mən Belarus vətəndaşlarına müraciət etmək istəyirəm. İnsanlara - həm mülki şəxslərə, həm də vəzifəlilərə... Sizi müharibəyə sürükləyirlər. Və bu fevral və yaz aylarında olduğundan daha fəal formadadır. Kreml artıq sizin üçün hər şeyi qərara alıb - sizin həyatınız onlar üçün heç bir əhəmiyyəti yoxdur”, - prezident vurğulayıb.
"Ancaq sən qul deyilsən və ölməməlisən. Və başqasının sənin üçün nə olacağına qərar verməsinə icazə verə bilməzsən",- deyə Zelinski əlavə edib.