Meksikanın şimalında patrul xidməti aparan polisə hücum edilib. Nəticədə 6 polis əməkdaşı öldürülüb, 4-ü yaralanıb.
Teleqraf.com xarici mediaya istinadən xəbər verir ki, Meksika polisi öncədən düşünülmüş şəkildə pusquya salınıb.
“Təəssüf ki, 6 polisimiz xidməti vəzifəsini yerinə yetirərkən həlak olub”, - Meksikanın İctimai Təhlükəsizlik Nazirliyinin bəyanatından istifadə edilib.
Qeyd olunur ki, hadisə Meksika-ABŞ sərhədi yaxınlığında baş verib.
Nazirlik həmçinin bildirib ki, hücum edənlər yüksək çaplı silahlardan istifadə edib və 10 zirehli maşınla hadisə yerindən qaçıblar.