Sürpriz gəlişmə - Rusiya qonşu ölkədə nüvə silahı yerləşdirir?

Moskva Minskə nüvə silahı göndərmək niyyətində deyil.

Teleqraf.com xəbər verir ki, bu barədə Rusiya prezidentinin sözçüsü Dmitri Peskov bildirib.

Kreml belə silahların Belarus Prezidenti Aleksandr Lukaşenkoya verilməsi planını təkzib edib.

“Prezident Putin bu barədə danışmayıb”, - Peskov qeyd edib.

Onun sözlərinə görə, iki liderin görüşündə söhbət başqa məsələlərlə yanaşı, nüvə silahı daşıya bilən “İsgəndər-M” komplekslərinin verilməsindən də gedib.

Putin bundan əvvəl Lukaşenko ilə görüşündə Moskvanın yaxın aylarda bu raket sistemlərini Minskə təhvil verəcəyini bildirmişdi. İyunun 25-də də iki lider arasında danışıq baş tutub. Danışıqlarda “İsgəndər”lərin transferi yenidən müzakirə olunub.

ABŞ bu komplekslərin Minskə mümkün transferinin Baltikyanı regionda gərginliyi artıracağını bildirib.