Rus ordusu hücuma keçdi: Bu istiqamətdə irəliləyir - Şiddətli döyüşlər

Rusiya Silahlı Qüvvələri Lisıçansk şəhərini mühasirəyə almağa çalışır.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

“Düşmən Donetsk istiqamətində artilleriyanın dəstəyi ilə Lisıçansk şəhərini mühasirəyə almağa və Lisıçansk-Baxmut magistral yoluna nəzarəti ələ keçirməyə çalışır. Ruslar Lisıçansk, Verxnokamyanka və Siversk ərazilərində mülki infrastrukturu atəşə tutublar. Vovçoyarivka yaxınlığına hava zərbəsi endirilib”, - məlumatda deyilib.

Rusiya qüvvələrinin Verxnokamyanka ətrafında irəlilədiyi, Lisıçansk neft emalı zavoduna hücum etdiyi bildirilib. Bu istiqamətdə döyüşlərin şiddətləndiyi də diqqətə çatdırılıb.