Poroşenko ailəsi ilə Londonda istirahət edir: Xanımı jurnalistə hücum etdi

Ukraynanın beşinci prezidenti Pyotr Poroşenko Londonda yenidən gündəmə gəlib. Jurnalistlər onunla ən bahalı otellərdən birində görüşə biliblər.

Teleqraf.com xəbər verir ki, jurnalistlər Poroşenkonun Londonda bahalı oteldə ailəsi ilə birlikdə qaldığını müəyyən ediblər.

“Londonun mərkəzi. Britaniya otellərinin ən bahalısı.Ən ucuz otaq günlük 1 300 avroyadır (özüm qalan). Ən bahalısı - demək olar ki, beş mindir. Klassik kral üslubunda gözəl restoranla birlikdə . Və beləliklə, təsadüfən burada səhər yeməyi zamanı Poroşenko ailəsi ilə tanış oldum. Böyük oğlu Alekseydən başqa hamısı Londondadır”, - jurnalist Natalya Qonçarova yazıb.

Jurnalistin xalq deputatı ilə ünsiyət qurmaq niyyəti onun həyat yoldaşının bir anda xoşuna gəlməyib. Marina Poroşenko videoya görə qəzəblənib, amma əri ondan qışqırmamasını istəyib, hətta ayağından çimdikləyib.

Bundan sonra Poroşenko masadan ayrılaraq nəzakətlə suallara cavab verməyə başlayıb. O, üç saat əvvəl Londona gəldiyini və tezliklə gedəcəyini deyib. Bu zaman söhbət yenidən jurnalistin əlindən telefonu almağa çalışan Marina Poroşenko tərəfindən kəsilib. Daha sonra bir qədər sakitləşdikdən sonra yenidən masaya keçib və eks-prezident xanımının davranışına görə üzr istəyib.

“Təəssüf ki, otel restoranın müşahidə kameralarından həmin görüntünü verməyə razı olmadı. Marinanın telefonu götürmək üçün əlimi necə inadla bükməyə başladığını göstərmək olardı. Belə bir xanımı olana mühafizəyə ehtiyac yoxdur”, - Nataliya Qonçarova hadisəni şərh edir.

Eks-prezident orada iş üçün olduğunu qeyd edib. Poroşenkonun böyük oğlu Sürixdə görüntülənib, ən kiçiyi Mixail isə çox güman ki, təhsilini Ukraynadan kənarda davam etdirəcək.

Petro Poroşenko Londonda ilk dəfə deyil ki, diqqət çəkir. İyunun əvvəlində internetdə onun, ehtimal ki, qızı ilə Londonda gəzişməsinin videosu yayılıb.