Pakistanda ağır vəziyyət - 147 nəfər həyatını itirdi

Pakistanda davam edən musson yağışlarının yaratdığı sel fəlakətində ölənlərin sayı artır.

Teleqraf.com xəbər verir ki, leysan yağışların səbəb olduğu sel fəlakətində ölənlərin sayı 147 nəfərə çatıb.

Pakistan Milli Fəlakət İdarəsi Agentliyinin (NDMA) açıqlamasına görə, həyatını itirənlərin 88-i qadın və uşaqdır. Daşqın nəticəsində çoxlu sayda ev, yol, körpü və elektrik stansiyaları zərər görsə də, avtomobillər yollarda qalıb.

Meteoroloqlar yağışlı havanın 2-3 gün də davam edəcəyini bildirib.