Rusiya Təhlükəsizlik Şurasının sədr müavini Dmitri Medvedev “Telegram” kanalında bugünkü Ukrayna ərazisinin böyük hissəsinin Rusiya, Polşa, Rumıniya və Macarıstan arasında bölündüyü yeni Avropa xəritəsini paylaşıb.
Teleqraf.com xarici KİV-ə istinadən xəbər verir ki, Medvedev iki foto paylaşaraq onları şərh edib.
“Psixotrop maddələrdən təsirlənən Ukrayna prezidentinin ağlında ölkəsinin parlaq gələcəyinin aşağıdakı mənzərəsi canlanır”- deyə Dmitri Medvedev birinci şəklə işarə vurub.
Medvedevin göstərdiyi ikinci xəritəyə belə şərh yazıb: “Qərb ekspertləri əslində belə olacağını düşünürlər. Burada Ukraynanın yalnız Kiyev bölgəsindən ibarət olduğu, digər bölgələrin isə Rusiya, Polşa, Rumıniya və Macarıstan arasında bölündüyü görünür".