8 Avqust 2022 10:17
993
12 Punto 14 Punto 16 Punto 18 Punto

Haitidə keçmiş deputat və qardaşı oğlunun avtomobildə yandırılaraq öldürüldüyü bildirilir.

Teleqraf.com xəbər verir ki, hər iki şəxsin yanmış cəsədləri paytaxt Port-o-Prensin yaxınlığındakı Labul məhəlləsində tapılıb.

Xəbər aldıqdan sonra hadisə yerinə gələn polis siyasətçi və qardaşı oğlunun avtomobildə həyatını itirdiyini müəyyən edib.

Qətlin əraziyə nəzarət etməyə çalışan silahlı dəstə tərəfindən törədildiyi güman olunur. Hadisə ilə bağlı araşdırma başladılıb.

Haitidə iyulun 24-də dəstələr arasında baş verən silahlı qarşıdurma nəticəsində 21 nəfər həyatını itirib. Şiddətli qarşıdurma ötən il iyulun 7-də Haitinin 53 yaşlı prezidenti Jovenel Moizin silahlı şəxslər tərəfindən güllələnməsinin ildönümündən bir gün sonra başlayıb.

Moiz öldürüləndən bəri silahlı dəstələr ölkəyə nəzarət uğrunda mübarizə aparırlar.


Müəllif: Mənsur Rəğbətoğlu