18 Avqust 17:15
1 000
12 Punto 14 Punto 16 Punto 18 Punto

Rusiya Hərbi Dəniz Qüvvələrinin 10-a yaxın gəmisi Qara dənizdə manevr edir.

Teleqraf.com xəbər verir ki, bu barədə Ukrayna Silahlı Qüvvələrinin “Cənub” əməliyyat komandanlığının nümayəndəsi Vladislav Nazarov məlumat verib.

“Qara dənizdə Rusiya Hərbi Dəniz Qüvvələrinin 10-a yaxın gəmisi manevr edir. Onlar Krım sahilləri boyunca Novorossiyskədək təhlükəsiz ərazilərdə gizlənirlər. 16 ədəd “Kalibr” qanadlı raketi və böyük amfibiya hücum gəmisi ilə düşmənin iki yerüstü daşıyıcısı döyüş növbətçiliyindədir”, - Nazarov bildirib.

Ukraynalı zabit rusların gün ərzində cənub istiqamətində ciddi itki verdiyini də açıqlayıb:

“Düşmən ordusu 5 raket sistemi, “Legenda-2” peyk rabitə stansiyası kompleksi və tank əleyhinə raket kompleksini itirib”.

Nazaraov Blaqodatnıda rus qüvvələrinin sursat anbarının da məhv edildiyini deyib.


Müəllif: Mənsur Rəğbətoğlu