Çinin dövlət məmuru edam edildi

Çinin dövlət aktivlərinin idarə olunması şirkətinin keçmiş sədri Lai Siaminq edam edilib.

Teleqraf.com xəbər verir ki, bu barədə Çinin Mərkəzi Televiziyası məlumat yayıb.

O, rüşvətxorluq, mənimsəmə və çoxarvadlılıqda ittiham olunub.

Məhkəmə onun 25 milyon yuandan çox (təxminən 3,9 milyon dollar) qanunsuz olaraq mənimsədiyi, 1,79 milyard yuan (təxminən 280 milyon dollar) dəyərində rüşvət aldığı və artıq arvadı olsa da, uzun müddət başqa qadınlarla birgə yaşadığı barədə qərar çıxarmışdı.

Çin mediası yazır ki, Lai Xiaominin 100-dən çox mənzili və eyni sayda məşuqəsi olub.

Bəzi məlumatlara görə, o, dövlətə məxsus aktivlərin idarə edilməsi şirkətinin tabeliyində fəaliyyət göstərən 33 müəssisədə sevimli adamlarını yüksək vəzifələrə təyin edib.