Qırıcı təyyarə dənizə düşdü

Bu gün günorta saatlarında Egey dənizindəki Krit adasının sahillərinə düşən Yunanıstanın F-16 döyüş təyyarəsində olan iki pilot sağ qalıb.

Teleqraf.com-un "Sabah"a istinadən xəbərinə görə, Yunanıstana aid Krit adasının 15 mil cənubunda olan Gavdos adası sahillərində patrul uçuşu edən F-16 qırıcı təyyarəsi mühərrik qəzası səbəbindən saat 14.00 radələrində dənizə düşüb. Qəza anında iki pilot paraşütlə atılaraq dənizə eniblər. Həmin əraziyə gələn sahil təhlükəsizlik qüvvələri onları xilas edərək, xəstəxanaya yerləşdiriblər.

Yunan qırıcısı hərbi hava lımanından qalxdıqdan 15 dəqiqə sonra qəzaya uğrayaraq dənizə düşüb.

Nihad