“Ukraynaya Rusiya ərazisini vura bilən silahlar verməyəcəyik” - Şolz

Almaniya Ukraynaya Rusiya ərazisini atəşə tutmaq üçün istifadə edilən silahlar verməyəcək.

Teleqraf.com xəbər verir ki, bunu Almaniya Kansleri Olaf Şolz deyib.

“Prezident Bayden bunu kifayət qədər açıq şəkildə bildirdi - o, Rusiya ərazisinə atəş açıla biləcək silahları tədarük etməyəcəyini söylədi. Hesab edirəm ki, bu, mənim hamı ilə bərabər riayət etdiyim bir prinsipdir”, - kansler bildirib.

Bununla belə, Olaf Şolz Ukraynanın ərazi bütövlüyünü dəstəklədiklərini vurğulayıb: “Gördüyümüz hər işdə məqsədimiz Ukraynanı dəstəkləməkdir, bu, müharibənin daha da genişlənməsinin qarşısını alacaq”.