Partizanlar qızlarla əylənən FTX avtomobilini havaya uçurdu

“Ukraynanın cənubunda havalar hər mənada isti keçir. Rus əsgərləri bunu hər gün hiss edirlər”.

Teleqraf.com xəbər verir ki, bunu Ukraynanın Melitopol şəhərinin meri İvan Fedorov deyib.

O, əlavə edib ki, Melitopol şəhərini işğal edənlərin çoxu məhv edilib: “İşğalçılar yəqin ki, cənubda havanın hər mənada belə isti olduğunu bilmirdilər. Müqavimət Hərəkatı onlara demək olar ki, hər gün cəhənnəmi xatırladır”.

Hazırda burada ukraynalı partizanlar düşmənə qarşı fəal döyüşür, şəhərdə dəfələrlə partlayışlar olub.

Avqustun 30-da kütləvi informasiya vasitələrinə məlum olub ki, Melitopolda partizanlar Rusiya Federasiyası Federal Təhlükəsizlik Xidmətinin əməkdaşlarının avtomobillərini “pozğunluq məskəni” - “Citadel” mehmanxanası yaxınlığında partladıblar.

Bu oteldə xüsusi xidmət orqanlarının əməkdaşları adətən yerli qızlarla əylənirlər.