Rusiyanın Ukraynadakı itkiləri “qırmızı xətt”ə yaxınlaşır

Son 24 saatda Ukraynada Rusiyanın 20 tankı və 350 əsgəri məhv edilib.

Teleqraf.com xəbər verir ki, bu barədə Ukrayna Silahlı Qüvvələri Baş Qərargahının Feysbuk sosial şəbəkəsindəki xülasəsində deyilir.

Beləliklə, fevralın 24-dən avqustun 31-dək düşmənin ümumi döyüş itkiləri təxminən aşağıdakı kimidir: hərbi personal 47 min 900 (+350) nəfər ləğv edilib; tanklar - 1.974 (+20) ədəd, zirehli döyüş maşınları - 4.312 (+18), artilleriya sistemləri - 1.091 (+12), MLRS - 285 (+3); hava hücumundan müdafiə vasitələri - 152 (+1), təyyarələr - 234, helikopterlər - 204, əməliyyat-taktiki səviyyəli PUA - 849 (+2), qanadlı raketlər - 196; gəmilər/qayıqlar - 15; avtomobil texnikası və sisternlər - 3 min 236 (+19) ədəd, xüsusi texnika - 103.

“Düşmən ən böyük itkiləri Donetsk və Kuraxovski istiqamətlərində verib”, - Baş Qərargah əlavə edib.