Misirdə dəhşətli qəza - 5 ölü, 50 yaralı

Misirin Qahirə-Ayn Əl-Soxna magistral avtomobil yolunda avtobusun aşması nəticəsində azı 5 nəfər ölüb, 50 sərnişin yaralanıb.

Teleqraf.com xəbər verir ki, qəza yerinə cəlb olunan təcili tibbi yardım maşınları cəsədləri və yaralıları Süveyş xəstəxanasına çatdırıblar. Misir Prokurorluğu insidentlə bağlı təhqiqat aparır.

Süveyş vilayətində gedən yolda iki gün əvvəl də ağır yol qəzası baş vermiş, 4 sərnişin həyatını itirmiş, 30 nəfər yaralanmışdı.