Şok iddia: “Rusiyanı onlar dağıtmaq istəyir..." – Medvedyev

“Anqlosaksonların Rusiyanı dağıtmaq cəhdləri son dərəcə təhlükəlidir, ona görə də bu səylərə etinasız yanaşmaq olmaz”.

Teleqraf.com xəbər verir ki, bunu Rusiya Təhlükəsizlik Şurası sədrinin müavini Dmitri Medvedyev deyib.

Onun sözlərinə görə, Qərb bütün gücü ilə Rusiyanı yeni parçalanma prosesinə sövq etməyə çalışır.

“Rusiyanın dövlət qurumlarının fəaliyyətini iflic etmək üçün hər şeyi edirlər. 1991-ci ildə olduğu kimi ölkəni effektli idarəetmədən məhrum etməyə çalışırlar. Bu cəhdlərin nəticəsi də bu olmalıdır ki, Rusiya siyasi meydandan silinsin”, - Medvedyev bildirib.

Siyasətçi bildirib ki, anqlosaksonlar hər gecə Rusiyanın dağılacağı barədə gizli düşüncə ilə yuxuya gedirlər.