Ruslara növbəti zərbə: İtkilər çoxdur

Ukrayna ordusu düşmənin dörd pilotsuz u,u. aparatını və bir Ka-52 helikopterini məhv edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahının səhər xülasəsində məlumat verilib.

Qeyd olunur ki, Ukrayna Silahlı Qüvvələrinin raket qoşunları və artilleriyası əks-akkumulyator döyüşü, idarəetmə sisteminin və maddi-texniki təminatın pozulması, düşmənin canlı qüvvəsinin və döyüş texnikasının darmadağın edilməsi üzrə tapşırıqları yerinə yetirməkdə davam edir. Həmçinin, quru qruplarının hərəkətlərinə dəstək məqsədilə Müdafiə Qüvvələrinin Hərbi Hava Qüvvələri 20-dən çox zərbə endirib.

“2 taqım istehkamı, 15 canlı qüvvə və hərbi texnikanın cəmləşdiyi ərazi, 3 zenit-raket kompleksi vurulub. 4 PUA və bir Ka-52 helikopteri məhv edilib. Düşmənin canlı qüvvə itkiləri dəqiqləşdirilir”, - məlumatda deyilir.