Çinin donanması bilərək bunu edir - Avstraliya

Avstraliya donanması Çin donanmasının Cənubi Çin dənizində döyüş gəmilərini izləməsinin onların mübahisəli sularda əməliyyatlarına mane olmadığını bildirib.

Teleqraf.com xəbər verir ki, Avstraliya Hərbi Dəniz Qüvvələrinin vitse-admiralı Mark Hammond, Çin donanmasının son 6-7 ildə Cənubi Çin dənizində “qəribə” taktikalarının artdığını ifadə edərək, bu taktikaların Avstraliya hərbi gəmilərinə yönəldiyini bildirib.

“Orada (Cənubi Çin dənizində) müntəzəm olaraq bir gəmimiz olduqda, bir Çin Xalq Ordusu donanmasının gəmisi tez-tez bizim baxış xəttimizdə bizi izləyir”, - deyən vitse-admiral bunun qeyri-adi olduğunu vurğulayıb:

“Mən bunu edən başqa donanma tanımıram. Bu vəziyyət Avstraliya donanmasının əməliyyatlarına və keçidlərinə mane olmur”.