ABŞ qışa hazırlaşır: Qazın qiyməti bahalaşır

Rusiyadan alınan qazın əhəmiyyətli dərəcədə azalması səbəbilə qışda qiymətlər qalxa bilər.

Teleqraf.com xəbər verir ki, bu barədə ABŞ-ın maliyyə naziri Canet Yellen bildirib.

Nazirin sözlərinə görə, Rusiya neftinin ixracı ilə bağlı Qərbin təklif etdiyi limit qiymətləri nəzarətdə saxlamaq üçün nəzərdə tutulub.

“Bu bir riskdir və biz qiyməti məhdudlaşdırmağa çalışırıq”,- Yellen deyib.

Onun sözlərinə görə, mümkün qiymət artımı Aİ-nin “əsasən Rusiya neftinin alınmasını dayandıracağı” və Rusiya Federasiyasına neftin tankerlərlə daşınmasına imkan verən xidmətlərə qadağa tətbiq etməsi səbəbindən baş verə bilər.

Yellen qeyd edib ki, qiymət həddi Rusiyanın Ukraynada müharibə aparmaq üçün istifadə edə biləcəyi gəlirləri azaltmağa yönəlib.

G7 ölkələri tərəfindən razılaşdırılmış qiymət həddi planı iştirakçı ölkələrdən qiyməti neftin maksimal qiymətini aşan və hələ müəyyən edilməmiş neft yükləri üçün sığorta, maliyyə, broker, naviqasiya və digər xidmətlərdən imtina etməyi tələb edir.