Rus ordusu dağılır, müdafiə çətinləşir... - Hesabat

“Ukrayna Silahlı Qüvvələri Xarkovun şərqində, Luqanskın şimalında və Donetsk vilayətlərinin şərqində Rusiyanın mövqelərinə və arxa dayaq xətlərinə təzyiqləri artırır. Rusiya müdafiə olunmaqda çətinlik çəkirlər”.

Teleqraf.com xəbər verir ki, bu barədə Müharibə Araşdırmaları İnstitutunun (ISW) hesabatında deyilir.

Bildirilir ki, sentyabrın 15-də Ukrayna qüvvələri İzyumun cənub-qərbində, Liman yaxınlığında və Oskol çayının şərq sahilində quru əməliyyatlarını davam etdirib və bu, Rusiya Federasiyası Silahlı Qüvvələrini Ukraynanın şərqindəki bəzi bölgələrdən geri çəkilməyə məcbur edir.

“Ukrayna qüvvələri şərqə doğru irəliləməyə davam edərsə, Rusiya qüvvələri üçün müdafiə xəttini saxlamaq çətin olacaq”, - analitiklər bildirir.

Bir gün əvvəl irqçi bloggerlər Ukrayna Silahlı Qüvvələrinin Xarkov vilayətinin bütün ərazisində, o cümlədən Oskol çayının şərq sahilindəki Qryanikovkada baza və artilleriya mövqelərini yerləşdirməsindən şikayətləniblər. Əgər bu doğrudursa, o zaman çayın şərqində Rusiyanın cəbhə xətti zəifdir və ya bu ərazidə rus qoşunlarının mövqeləri çaydan daha şərqdədir.

Eyni zamanda, ruslar, ehtimal ki, ağır döyüş itkilərinə görə şərq oxu boyunca mövqelərini gücləndirirlər. Rusiya komandanlığı üçüncü ordu korpusunun qalıqlarını Donetsk və Zaporojye istiqamətlərinə köçürüb.