"NATO-nun bütün arsenalı Kiyevə dəstək üçün göndərilir" - Putin

Rusiya prezidenti Vladimir Putin Qərbin Rusiya ordusuna qarşı istifadə üçün Ukraynaya göndərdiyi silahları araşdıraraq, rus silahlarının tez və effektiv şəkildə hazırlanmasına göstəriş verib.

Teleqraf.com-un məlumatına görə, Putin Rusiya müdafiə sənayesi rəhbərləri ilə Kremldə görüşündə bildirib ki, müdafiə sənayesi müəssisələri ölkənin daxilindəki vəziyyəti, çətinlikləri və təhlükələri nəzərə alaraq çox çalışırlar.

Ukraynadakı rus qoşunlarının silah, texnika və sursat tədarükü ilə məşğul olacağını qeyd edən Putin Rusiya silahlarının Ukraynadakı “xüsusi hərbi əməliyyat”da yüksək effektivlik göstərdiyini bildirib:

“NATO-nun demək olar ki, bütün arsenal ehtiyatları Kiyevdəki mövcud rejimi dəstəkləmək üçün göndərilir. Bu o deməkdir ki, bizə qarşı istifadə olunan və orada olan arsenalları öyrənməli, imkanlarımızı keyfiyyətcə artırmalı və əldə olunan təcrübə əsasında texnikamızı, lazım gələrsə, silahlarımızı təkmilləşdirməliyik. Bu, mümkün qədər tez və səmərəli şəkildə edilməlidir”.