İsrail Ukraynaya dronlara qarşı sistemlər satıb - Sensasiya

İsrail Ukrayna-Rusiya savaşı fonunda rəsmi Kiyevə Pilotsuz Uçuş Aparatlarının (PUA) qarşını almaq üçün sistemlər satıb.

Teleqraf.com xəbər verir ki, bu iddianı İsrailin “Zman İisrael” telekanalı yayıb.

Kanal qeyd edib ki, Ukraynanın Rusiya sərhədində ikinci böyük şəhəri olan Xarkov bölgəsini itirən rus ordusunun yeni sistemlə qarşılaşacağını bildirib.

İddiaya görə, Ukrayna İsraildən PUA-ların qarşısını almaq üçün sistemlər alıb. Xəbərdə Tel-Əviv rəhbərliyinin qabaqcıl silah satışı qadağasından yan keçmək üçün çatdırılmanı Polşa üzərindən etdiyi ifadə edilib.

Qeyd olunub ki, İsrail sistemləri Ukraynada Rusiya pilotsuz təyyarələrinə qarşı mübarizə aparır.

Xatırladaq ki, iki həftə əvvəl israil mediası Kiyev administrasiyasına dron əleyhinə sistem satacağını yazmışdı.

İsrail ordusu Livan, Suriya və Qəzzada bu pilotsuz uçan aparatlardan istifadə edir.