Bayden elan etdi - “Müstəqilliyini tanıyacağıq”

Prezident Co Bayden ABŞ-Sakit Okean Adaları Ölkələri Sammitində çıxış edib.

Teleqraf.com xəbər verir ki, Bayden ABŞ və Sakit okean adaları ölkələri arasında uzun müddətdir davam edən diplomatik və müdafiə əlaqələrinə diqqət çəkib.

“Sakit okean adalarının təhlükəsizliyi bizim prioritetimiz olaraq qalır”, - ABŞ prezidenti deyib.

Amerika lideri iki adanın müstəqilliyini tanıdıqlarını da bildirib:

“Kuk adalarının və Niuenin suverenliyini də tanıdığımızı elan etməkdən məmnunam”.

Sammitdə Kuk adaları, Fici, Polineziya, Mikroneziya, Marşal adaları, Nauru, Yeni Kaledoniya, Palau, Papua-Yeni Qvineya, Samoa, Solomon adaları, Tonqa, Tuvalu və Vanuatudan nümayəndələr iştirak edib.

Bundan əlavə, Avstraliya, Yeni Zelandiya və Sakit Okean Adaları Forumunun baş katibi Henri Puna sammitə müşahidəçi qismində qatılıb.