İranda SEPAH-ın polkovniki öldürüldü

Bu gün (30 sentyabr) İranın cənub-şərqində yerləşən Sistan və Bəluçestan vilayətinin Zahidan şəhərində baş verən hadisələr zamanı İran İslam İnqilabı Keşikçilər Korpusunun (SEPAH) vilayət üzrə təhlükəsizlik idarəsinin rəisi polkovnik Əli Musəvi öldürülüb.

Teleqraf.com xəbər verir ki, bunu IRNA-ya açıqlamasında məlumatlı mənbə bildirib.

Onun sözlərinə görə, hadisə nəticəsində daha 3 SEPAH əməkdaşı yaralanıb.

Qeyd edək ki, bu gün İranın cənub-şərqində yerləşən Sistan və Bəluçestan vilayətinin Zahidan şəhərində baş verən hadisələrdə ən azı 19 nəfər ölüb və 15 nəfər yaralanıb.

Qeyd edək ki, 16 sentyabrda Tehranda 22 yaşlı Məhsa Əmininin Tehranın əxlaq polisi əməkdaşları tərəfindən öldürülməsinə etiraz olaraq 19 sentyabrdan etibarən İranın bir neçə şəhərində aksiyalar keçirilib. M.Əmini şəriət normalarına riayət olunmasına nəzarət edən əxlaq polisinin xüsusi dəstəsi tərəfindən saxlanılıb. Gənc qız İran qanunlarına əsasən hicaba düzgün riayət etməməkdə ittiham edilib.