ABŞ bu ölkəyə 3 milyardlıq silah satdı

ABŞ Dövlət Departamenti Milli Qabaqcıl Hava-Yer Raket Sistemi (NASAM) və Orta Mənzilli Hava Hücumundan Müdafiə Sistemi (MRADS) ilə bağlı təxmini dəyəri 3 milyard dollar olan avadanlığın Küveytə satışını təsdiqləyib.

Teleqraf.com xəbər verir ki,satışın təsdiqlənməsi ilə bağlı Dövlət Departamenti Konqresə bildiriş göndərib.

Qeyd olunur ki, satış paketinə 7 ədəd “AN/MPQ-64FI Sentinel” radarı; 63 ədəd “AIM-120C-8” Təkmil Ortamənzilli Hava-Hava Raketi, 63 ədəd uzadılmış mənzilli hava-hava raketi, 63 ədəd “AIM-9X Sidewinder Block II” taktiki raketi daxildir.

Bundan başqa 6 ədəd “AIM-9X Block II” taktiki raket idarəedici qurğusu, 12 ədəd çoxfunksiyalı İnformasiya Yayma Sistemi – Aşağı Həcmli Terminal (MIDS LVT) Blok 2 və 12 MIDS LVT Şifrələmə Modulu (LCM) mövcuddur.

Dövlət Departamentinin silah satışına icazə verməsi, sadəcə olaraq, satışın ABŞ administrasiyasına uyğun olduğunu bildirir.