İŞİD-ə növbəti zərbə: “Əbu Mustafa” öldürüldü

İŞİD terror təşkilatının Kərküklü hərbçi adlandırılan zabitinin öldürüldüyü bildirilib.

Teleqraf.com xəbər verir ki, İraq hökumətinin Təhlükəsizlik Media Şəbəkəsindən verilən yazılı açıqlamaya görə, İraq hava qüvvələrinin dəstəyi ilə təhlükəsizlik qüvvələri Kərkükün cənubundakı Vadi Zegetun bölgəsində terror təşkilatı DEAŞ-a qarşı əməliyyat keçirib.

Açıqlamada, İŞİD-in Kərkük hərbi komandiri olaraq adlandırılan “Əbu Mustafa” kod adlı terrorçunun Məhəmməd Mudri adlı bunkerə endirilən hava zərbəsində öldürülüb.

Açıqlamada İŞİD-in şəhərin cənubundakı son hücumlarının məhz bu qrup tərəfindən idarə olunduğu və dəstəkləndiyi qeyd olunub.