Ukraynada ümumdaxili məhsul doqquz ayda 30 faiz azalıb

Ukraynanın ümumdaxili məhsulu (ÜDM) cari ilin doqquz ayında 30 faiz azalıb.

Teleqraf.com xəbər verir ki, bu barədə Ukrayna İqtisadiyyat Nazirliyi məlumat yayıb.

“2022-ci ilin ilk üç rübünün yekunlarına əsasən, Ukraynada ÜDM-n azalması 30 faiz səviyyəsində qiymətləndirilir”, - nazirliyin məlumatında bildirilir.

İqtisadiyyat Nazirliyinin hesablamalarına görə, ÜDM-də baş verən azalma sentyabr və avqust aylarında 35 faiz təşkil edib. Nazirlik 2022-ci ildə ümumdaxili məhsulun ümumilikdə 35-40 azalacağını proqnozlaşdırır. Beynəlxalq Valyuta Fondunun proqnozunda da azalmanın 35 faiz olacağı bildirilir.