Kiyev yenidən vuruldu: çox sayda ölü və yaralı var - Yeniləndi

Raket hücumuna məruz qalan Kiyevdə son durum açıqlanıb.

Teleqraf.com xəbər verir ki, bu barədə ölkənin Fövqəladə Hallar Nazirliyindən bildirilib.

Məlumatlara görə, paytaxtdakı partlayış nəticəsində 8 nəfər həlak olub, 30-ayaxın insan yaralanıb.

***

10:02

Bu gün Kiyev yenidən Rusiya hücumuna məruz qalıb. Hava xəbərdarlığından sonra şəhərdə bir neçə partlayış baş verib.

Teleqraf.com xəbər verir ki, hava zərbəsi təhlükəsi səhər saat 6:47-də elan edilib və səhər saat 8-dən sonra Kiyevdə 3-4 partlayış baş verib.

Hücumla bağlı məlumatı şəhərin meri Vitali Kliçko da təsdiqləyib.

Partlayışlar Şevçenkov rayonunda qeydə alınıb.

“Şevçenkov rayonunda - paytaxtın mərkəzində bir neçə partlayış baş verib. Bütün xidmətlər yerindədir”", - mer deyib.

Kliçko detalları daha sonra açıqlayacağını da vurğulayıb.

“Raketlərdən biri Vladimirskaya küçəsindəki Hruşevski abidəsi ərazisinə düşüb. Xilasedicilər işləyir”, - Daxili İşlər Nazirliyinin rəhbərinin müşaviri Anton Geraşenko öz Teleqram kanalında yazıb.