Şotlandiyada müstəqillik referendumunun tarixi açıqlandı

Şotlandiyada müstəqillik referendumu 2023-cü il oktyabrın 19-da keçiriləcək.

Teleqraf.com xəbər verir ki, bu barədə Şotlandiya Milli Partiyasının rəhbəri Nikola Sturgeon bildirib.
Ətraflı

“Əgər Ali Məhkəmə buna qərar verərsə, gələn il oktyabrın 19-da müstəqillik referendumu keçiriləcək”, - Sturgeon partiyanın qurultayında bildirib.

Partiya sədri hesab edir ki, Şotlandiyada əhalinin yarıdan çoxu müstəqillik tərəfdardır.

Qeyd edək ki, Şotlandiyanın müstəqilliyi ilə bağlı ilk referendum 2014-cü ildə keçirilib. Əhalinin 55,3%-i müstəqilliyin əleyhinə səs verib.