Ərdoğanla Putinin görüşü bir saat yarım davam etdi - Video

Türkiyə Prezidenti Rəcəb Tayyib Ərdoğanla rusiyalı həmkarı Vladimir Putin arasında görüş bir saat yarım davam edib.

Teleqraf.com xəbər verir ki, bu barədə Rusiya Prezidentinin sözçüsü Dmitri Peskov deyib.

Onun sözlərinə görə, dövlət başçıları Rusiya ilə Ukrayna arasında davam edən savaşın nizamlanması barədə fikir mübadiləsi aparmayıblar.

***

14:10

Astanada Türkiyə Prezidenti Rəcəb Tayyib Ərdoğanla Rusiya Prezidenti Vladimir Putinin Asiyada Əməkdaşlıq və Etimad Tədbirləri üzrə Müşavirənin (AQEM) 6-cı Zirvə Toplantısı çərçivəsində görüşü keçirilir.

Teleqraf.com xəbər verir ki, görüşdə ikitərəfli münasibətlər, enerji sahəsində əməkdaşlıq, Ukraynadakı müharibə və Suriya ilə bağlı məsələlər müzakirə olunur.

Liderlər həmçinin Rusiya-Ukrayna müharibəsi və atəşkəs prosesi, Qara dəniz taxıl dəhlizi məsələlərini də diqqət saxlayacaqlar.