Ukrayna ordusu İran dronlarına divan tutdu – Yerindəcə məhv edildilər

Ukrayna hava hücumundan müdafiə qüvvələri bu gün Rusiya ordusunun İran istehsalı 8 kamikadze pilotsuz təyyarəsini məhv edib.

Teleqraf.com xəbər verir ki, bu barədə Ukrayna Silahlı Qüvvələrinin Hərbi Hava Qüvvələri Komandanlığı məlumat verib.

“Səkkiz kamikadze pilotsuz uçan aparat məhv edilib. Hava hücumundan müdafiə qüvvələri cənub və şərq istiqamətlərində səkkiz “Şahed-136” dronunu sıradan çıxarıb”, - məlumatda deyilir.

İran dronlarından 5-i Hərbi Hava Qüvvələrinin zenit-raket qüvvələri, 3-ü isə Silahlı Qüvvələrin Hərbi Dəniz Qüvvələrinin hava hücumundan müdafiə sistemləri tərəfindən məhv edilib.