Ruslara ağır zərbə: Silahla dolu 3 anbar məhv edildi

Ukrayna Silahlı Qüvvələri cənub cəbhəsində 17 rus əsgərini, bir “Qrad” MLRS və döyüş sursatı olan üç anbarı məhv edib.

Teleqraf.com xəbər verir ki, bu barədə “Cənub” əməliyyat komandanlığı oktyabrın 21-də əməliyyat şəraitinin nəticələrinə əsasən bildirib.

“Aviasiyamız Berislavski və Baştanski rayonlarında rus texnikası və istehkamlarının cəmləşməsinə, zenit-raket komplekslərinin mövqelərinə - Kaxovskiyə 10 zərbə endirib. Raket və artilleriya bölmələri 220 atəş tapşırığı həyata keçirib. Berislav rayonunda 17 raket, reaktiv “Qrad” reaktiv atəş sistemi, bir tank, bir minaatan, 3 ədəd zirehli texnika və 3 sursat anbarı, daha 6 zirehli maşın və 2 minaatan zədələnib”,- deyilir.

Qeyd edək ki, avqustun sonundan Ukrayna ordusu müxtəlif istiqamətlərdə əks-hücum əməliyyatı keçirir. Oktyabrın 21-nə olan məlumata görə, Xerson vilayətində artıq 88 yaşayış məntəqəsi düşməndən azad edilib.