Rusiyanın şok planı üzə çıxdı: 80 şəhər su altında qalacaq

Rusiya ordusu geri çəkilməsini ört-basdır etmək və Ukrayna qoşunlarının Xerson vilayətinin dərinliklərinə doğru irəliləməsinin qarşısını almaq üçün Kaxovskaya Su Elektrik Stansiyasının (SES) bəndini partlatmağa cəhd edə bilər.

Teleqraf.com bildirir ki, bu barədə Müharibənin Öyrənilməsi İnstitutunun (ISW) hesabatında deyilir.

Analitiklər qeyd edirlər ki, eyni zamanda Rusiya qüvvələri Ukraynanı SES-i sıradan çıxarmaqda ittiham edəcək.

“Ukraynanın 80 şəhərin su basmasına, yüz minlərlə insanın məcburi köçkünə səbəb olmasına və onsuz da problem olan elektrik enerjisi təchizatına ziyan vura biləcək bəndin partladılmasında heç bir maddi marağı yoxdur. Bununla belə, Rusiyanın geri çəkilən qüvvələrini ört-basdır etməyə cəhd etmək üçün bütün əsasları var. O cümlədən Ukrayna qoşunlarının əks-hücum əməliyyatını davam etdirmək üçün keçməli olduğu Dnepr çayını genişləndirilməsi baş verə bilər”, - məlumatda deyilir.

Analitiklər onu da vurğulayırlar ki, Krımın su təchizatı ilə bağlı narahatlıqlar səbəbindən rus qoşunlarının bəndi partlatmayacağı ilə bağlı istənilən bəyanatlar absurd hesab olunur.

ISW ekspertləri xatırladırlar ki, 2014-cü ildə işğaldan sonra Krım bir neçə il susuz qalıb, çünki Şimali Krım kanalı ilə Dneprdən su nəqli dayandırılıb.

“Rusiya qoşunları Xerson vilayətinin şərqini suya görə deyil, Krımı qorumağa və Ukrayna qoşunlarının yarımadanın artilleriya zonasına daxil olmasının qarşısını almağa imkan verəcək bufer zona yaratmaq məqsədilə saxlamağa çalışacaq. Bəndin partladılmasının onlara bu bufer zonanı qoruyub saxlamağa imkan verəcəyinə inana bilər”,- ISW yazır.

Qeyd edək ki, Kaxovskaya SES rusların ələ keçirdiyi Novaya Kaxovkadan 5 km aralıda yerləşir.